ਚੜ੍ਹਦੇ ਸਾਲ ਜਨਵਰੀ ‘ਚ 16 ਦਿਨ ਬੰਦ ਰਹਿਣਗੇ ਬੈਂਕ, ਬੈਂਕ ਮੁਲਾਜ਼ਮਾਂ ਦੀਆਂ ਮੌਜਾਂ

ਚੜ੍ਹਦੇ ਸਾਲ ਜਨਵਰੀ ‘ਚ 16 ਦਿਨ ਬੰਦ ਰਹਿਣਗੇ ਬੈਂਕ, ਬੈਂਕ ਮੁਲਾਜ਼ਮਾਂ ਦੀਆਂ ਮੌਜਾਂ
ਤਲਵੰਡੀ ਸਾਬੋ(ਗੁਰਪ੍ਰੀਤ ਜੋਗੇਵਾਲਾ): ਜਨਵਰੀ 2024 ਵਿੱਚ ਦੇਸ਼ ਭਰ ਵਿੱਚ ਬੈਂਕ ਕੁੱਲ 16 ਦਿਨਾਂ ਲਈ ਬੰਦ ਰਹਿਣਗੇ। ਯਾਨੀ ਕੁੱਲ 16 ਦਿਨਾਂ ਤੱਕ ਬੈਂਕਾਂ ਵਿੱਚ ਕੋਈ ਕੰਮ ਨਹੀਂ ਹੋਵੇਗਾ। ਇਨ੍ਹਾਂ ਵਿੱਚ ਦੂਜਾ- ਚੌਥਾ ਸ਼ਨੀਵਾਰ ਅਤੇ ਐਤਵਾਰ ਵੀ ਸ਼ਾਮਲ ਹੈ। ਪਰ ਹਰ ਛੁੱਟੀ ਵਾਲੇ ਦਿਨ ਹਰ ਰਾਜ ਦੇ ਬੈਂਕ ਬੰਦ ਨਹੀਂ ਰਹਿਣਗੇ, ਸਗੋਂ ਵੱਖ-ਵੱਖ ਰਾਜਾਂ ਦੀਆਂ ਕੁਝ ਖਾਸ ਛੁੱਟੀਆਂ ਹਨ।ਅਜਿਹੀਆਂ ਛੁੱਟੀਆਂ ‘ਤੇ ਉਸ ਰਾਜ ਨੂੰ ਛੱਡ ਕੇ ਬਾਕੀ ਰਾਜਾਂ ਦੇ ਬੈਂਕ ਖੁੱਲ੍ਹੇ ਰਹਿੰਦੇ ਹਨ। ਜਨਵਰੀ ਵਿੱਚ ਬੈਂਕਾਂ ਦੀਆਂ ਮੁੱਖ ਛੁੱਟੀਆਂ ਵਿੱਚ 1 ਜਨਵਰੀ ਨੂੰ ਨਵੇਂ ਸਾਲ ਦਾ ਦਿਨ ਅਤੇ 26 ਜਨਵਰੀ ਨੂੰ ਗਣਤੰਤਰ ਦਿਵਸ ਸ਼ਾਮਲ ਹੁੰਦਾ ਹੈ। ਜਨਵਰੀ 2024 ਦੀਆਂ ਬੈਂਕ ਛੁੱਟੀਆਂ ਵਿੱਚ ਪੋਂਗਲ ਅਤੇ ਗੁਰੂ ਗੋਬਿੰਦ ਸਿੰਘ ਜਯੰਤੀ ਵੀ ਸ਼ਾਮਲ ਹੈ।