ਆਦਮਪੁਰ ਵਿਖੇ ਦੁਸਹਿਰਾ ਸਮਾਗਮਾਂ ਦੀ ਸ਼ੁਰੂਆਤ, ਝੰਡੇ ਦੀ ਰਸਮ ਅਦਾ ਕੀਤੀ ਗਈ

ਆਦਮਪੁਰ ਵਿਖੇ ਦੁਸਹਿਰਾ ਸਮਾਗਮਾਂ ਦੀ ਸ਼ੁਰੂਆਤ, ਝੰਡੇ ਦੀ ਰਸਮ ਅਦਾ ਕੀਤੀ ਗਈ

ਅਮਿਤ ਸੱਭਰਵਾਲ, ਪਵਨ ਲੀਅਰ ਆਦਮਪੁਰ:

ਦੁਸਹਿਰੇ ਦੇ ਪਵਿੱਤਰ ਤਿਉਹਾਰ ਦੀ ਸ਼ੁਰੂਆਤ ਕਰਦਿਆਂ, ਸਥਾਨਕ ਦੁਸਹਿਰਾ ਕਮੇਟੀ ਵੱਲੋਂ ਅੱਜ ਪਹਿਲੇ ਦਿਨ ਝੰਡੇ ਦੀ ਰਸਮ ਪੂਰੇ ਉਤਸ਼ਾਹ ਨਾਲ ਅਦਾ ਕੀਤੀ ਗਈ। ਇਹ ਸ਼ੁਭ ਰਸਮ ਦੁਸਹਿਰਾ ਕਮੇਟੀ ਦੇ ਪ੍ਰਧਾਨ ਦਵਿੰਦਰ ਬੰਸਲ (ਡੀਸੀ) ਅਤੇ ਆਮ ਆਦਮੀ ਪਾਰਟੀ ਦੇ ਹਲਕਾ ਇੰਚਾਰਜ ਪਵਨ ਕੁਮਾਰ ਟੀਨੂੰ ਵੱਲੋਂ ਸਾਂਝੇ ਤੌਰ ‘ਤੇ ਸੰਪੰਨ ਕੀਤੀ ਗਈ।
ਇਸ ਮੌਕੇ ‘ਤੇ ਵੱਡੀ ਗਿਣਤੀ ਵਿੱਚ ਸ਼ਹਿਰ ਦੇ ਪਤਵੰਤੇ ਅਤੇ ਕਮੇਟੀ ਦੇ ਮੈਂਬਰ ਹਾਜ਼ਰ ਸਨ। ਜਿਨ੍ਹਾਂ ਵਿੱਚ ਆਕਾਸ਼ਦੀਪ ਬੰਸਲ, ਸੰਜੀਵ ਨਈਅਰ, ਹਰਪ੍ਰੀਤ ਸੰਧੂ, ਮਾਨਵ ਕੋਚਰ, ਅਨੂਪ ਵਰਮਾ, ਦਵਿੰਦਰ ਸੂਰੀ, ਚਰਨਜੀਤ ਸਿੰਘ, ਸ਼ੇਰੀ ਜੋਗੀ, ਗਾਂਧੀ ਸੋਨੂੰ ਭਾਟੀਆ, ਅਮਿਤ ਸਬਰਵਾਲ, ਰਮੇਸ਼ ਗੁਪਤਾ, ਸਤਪਾਲ ਬਜਾਜ, ਸੰਦੀਪ ਗੋਇਲ, ਅਮਿਤ ਬੰਸਲ, ਮਨਮੋਹਨ ਸਿੰਘ ਬਾਬਾ, ਲਾਡੀ ਪ੍ਰਵੀਨ ਟੰਡਨ, ਯਤਨ ਨਈਅਰ, ਸਰਦਾਰ ਪਵਿੱਤਰ ਸਿੰਘ, ਤੇਤੀਸ਼, ਦਿਲ ਬਾਗੀ, ਰਜਤ ਦੁਗਲ, ਸੁਰੇਸ਼ ਠਕਰਾਲ, ਰਾਜੂ ਅਗਰਵਾਲ, ਅਤੇ ਕਰਮਵੀਰ ਕੈਹੜਾ ਪ੍ਰਮੁੱਖ ਤੌਰ ‘ਤੇ ਸ਼ਾਮਿਲ ਸਨ।
ਝੰਡੇ ਦੀ ਰਸਮ ਤੋਂ ਬਾਅਦ, ਪ੍ਰਧਾਨ ਦਵਿੰਦਰ ਬੰਸਲ ਨੇ ਦੱਸਿਆ ਕਿ ਦੁਸਹਿਰੇ ਦਾ ਤਿਉਹਾਰ ਹਰ ਸਾਲ ਵਾਂਗ ਇਸ ਵਾਰ ਵੀ ਪੂਰੀ ਸ਼ਰਧਾ ਅਤੇ ਧੂਮਧਾਮ ਨਾਲ ਮਨਾਇਆ ਜਾਵੇਗਾ। ਉਨ੍ਹਾਂ ਕਿਹਾ ਕਿ ਕਮੇਟੀ ਵੱਲੋਂ ਸਾਰੇ ਪ੍ਰਬੰਧ ਮੁਕੰਮਲ ਕਰ ਲਏ ਗਏ ਹਨ ਅਤੇ ਹਰ ਕਿਸੇ ਲਈ ਇਹ ਤਿਉਹਾਰ ਯਾਦਗਾਰ ਬਣਾਉਣ ਦੀ ਕੋਸ਼ਿਸ਼ ਕੀਤੀ ਜਾਵੇਗੀ। ਇਸ ਮੌਕੇ ‘ਤੇ ਪਵਨ ਕੁਮਾਰ ਟੀਨੂੰ ਨੇ ਸਮੂਹ ਸ਼ਹਿਰ ਵਾਸੀਆਂ ਨੂੰ ਦੁਸਹਿਰੇ ਦੀਆਂ ਸ਼ੁਭਕਾਮਨਾਵਾਂ ਦਿੱਤੀਆਂ ਅਤੇ ਆਪਸੀ ਭਾਈਚਾਰੇ ਨਾਲ ਇਹ ਤਿਉਹਾਰ ਮਨਾਉਣ ਦੀ ਅਪੀਲ ਕੀਤੀ।
ਇਸ ਦੌਰਾਨ, ਸਮਾਗਮ ਵਿੱਚ ਹਾਜ਼ਰ ਸਾਰੇ ਮਹਿਮਾਨਾਂ ਦਾ ਸਵਾਗਤ ਕੀਤਾ ਗਿਆ। ਇਸ ਰਸਮ ਨਾਲ ਆਦਮਪੁਰ ਵਿੱਚ ਦੁਸਹਿਰਾ ਸਮਾਗਮਾਂ ਦੀ ਰਸਮੀ ਸ਼ੁਰੂਆਤ ਹੋ ਗਈ ਹੈ। ਆਉਣ ਵਾਲੇ ਦਿਨਾਂ ਵਿੱਚ ਦੁਸਹਿਰਾ ਕਮੇਟੀ ਵੱਲੋਂ ਕਈ ਸੱਭਿਆਚਾਰਕ ਪ੍ਰੋਗਰਾਮਾਂ ਅਤੇ ਰਾਮ ਲੀਲ੍ਹਾ ਦਾ ਆਯੋਜਨ ਕੀਤਾ ਜਾਵੇਗਾ। ਦੁਸਹਿਰੇ ਵਾਲੇ ਦਿਨ ਰਾਵਣ, ਮੇਘਨਾਥ ਅਤੇ ਕੁੰਭਕਰਨ ਦੇ ਵੱਡੇ ਪੁਤਲਿਆਂ ਨੂੰ ਸਾੜਨ ਦਾ ਸਮਾਗਮ ਮੁੱਖ ਖਿੱਚ ਦਾ ਕੇਂਦਰ ਰਹੇਗਾ।