ਮਾਨਵ ਏਕਤਾ ਦਿਵਸ ਪਰਉਪਕਾਰ ਦੇ ਜੀਵੰਤ ਰੂਪ ਨੂੰ ਦਰਸਾਉਂਦਾ ਹੈ
ਮਾਨਵ ਏਕਤਾ ਦਿਵਸ ਪਰਉਪਕਾਰ ਦੇ ਜੀਵੰਤ ਰੂਪ ਨੂੰ ਦਰਸਾਉਂਦਾ ਹੈ
ਮਨੁੱਖ ਦਾ ਜੀਵਨ ਪਰਉਪਕਾਰ ਨੂੰ ਸਮਰਪਿਤ ਹੋਣਾ ਚਾਹੀਦਾ ਹੈ: ਸਤਿਗੁਰੂ ਮਾਤਾ ਸੁਦੀਕਸ਼ਾ ਜੀ ਮਹਾਰਾਜ
ਫਗਵਾੜਾ ( ਡਾ ਰਮਨ / ਹਰਦਿਆਲ ਸਿੰਘ ਸੰਧੂ) ਇਹ ਮਨੁੱਖਾ ਜਨਮ ਸਾਨੂੰ ਨਿਰੰਕਾਰ ਪ੍ਰਭੂ ਨੇ ਬਖਸ਼ਿਆ ਹੈ। ਇਸ ਦਾ ਹਰ ਪਲ ਮਨੁੱਖਤਾ ਨੂੰ ਸਮਰਪਿਤ ਹੋ ਸਕਦਾ ਹੈ, ਜਦੋਂ ਸਾਡੇ ਹਿਰਦੇ ਵਿੱਚ ਪਰਉਪਕਾਰ ਦੀ ਅਜਿਹੀ ਸੁੰਦਰ ਭਾਵਨਾ ਪੈਦਾ ਹੁੰਦੀ ਹੈ, ਤਾਂ ਅਸਲ ਵਿੱਚ ਸਮੁੱਚੀ ਮਨੁੱਖਤਾ ਸਾਨੂੰ ਆਪਣਾ ਪ੍ਰਤੀਤ ਹੋਣ ਲੱਗਦੀ ਹੈ। ਫਿਰ ਸਾਰਿਆਂ ਦਾ ਭਲਾ ਕਰਨਾ ਸਾਡੀ ਜ਼ਿੰਦਗੀ ਦਾ ਟੀਚਾ ਬਣ ਜਾਂਦਾ ਹੈ। ਉਪਰੋਕਤ ਵਿਚਾਰ ਸਤਿਗੁਰੂ ਮਾਤਾ ਸੁਦੀਕਸ਼ਾ ਜੀ ਮਹਾਰਾਜ ਨੇ ਮਾਨਵ ਏਕਤਾ ਦਿਵਸ ਮੌਕੇ ਸਮੂਹ ਸੰਗਤਾਂ ਨੂੰ ਸੰਬੋਧਨ ਕਰਦਿਆਂ ਪ੍ਰਗਟ ਕੀਤੇ | ਮਾਨਵ ਏਕਤਾ ਦਿਵਸ ਦਾ ਪਵਿੱਤਰ ਅਵਸਰ ਬਾਬਾ ਗੁਰਬਚਨ ਸਿੰਘ ਜੀ ਦੀਆਂ ਮਾਨਵਤਾ ਪ੍ਰਤੀ ਸੱਚੀਆਂ ਸੇਵਾਵਾਂ ਨੂੰ ਸਮਰਪਿਤ ਹੈ ਜਿਸ ਤੋਂ ਨਿਰੰਕਾਰੀ ਜਗਤ ਦਾ ਹਰ ਸ਼ਰਧਾਲੂ ਆਪਣੇ ਜੀਵਨ ਦੀ ਭਲਾਈ ਲਈ ਪ੍ਰੇਰਨਾ ਲੈ ਰਿਹਾ ਹੈ।ਸੰਤ ਨਿਰੰਕਾਰੀ ਮਿਸ਼ਨ ਦੇ ਸਮਾਜ ਸੇਵੀ ਵਿੰਗ ਸੰਤ
ਨਿਰੰਕਾਰੀ ਚੈਰੀਟੇਬਲ ਫਾਊਂਡੇਸ਼ਨ ਵੱਲੋਂ ਅੱਜ ਸੰਪੂਰਨ ਕੀਤਾ ਗਿਆ
ਭਾਰਤ ਵਿੱਚ ਲਗਭਗ 207 ਸਥਾਨਾਂ ‘ਤੇ ਵਿਸ਼ਾਲ ਰੂਪ ਵਿੱਚ ਖੂਨਦਾਨ ਕੈਂਪਾਂ ਦੀ ਲੜੀ ਦਾ ਆਯੋਜਨ ਕੀਤਾ ਗਿਆ
ਜਿਸ ਵਿਚ ਲਗਭਗ 50,000 ਯੂਨਿਟ ਖੂਨ ਇੱਕਤਰ ਕੀਤਾ ਗਿਆ
ਦਿੱਲੀ ਗਾਂੳਉਡ ਨੰਬਰ 2 ਨਿਰੰਕਾਰੀ ਚੌਕ ਬੁਰਾੜੀ ਵਿਖੇ ਆਯੋਜਿਤ ਕੀਤੇ ਗਏ
ਖੂਨਦਾਨ ਕੈਂਪ ਵਿੱਚ ਸਮੂਹ ਖੂਨਦਾਨੀਆਂ ਨੇ ਵੱਧ ਚੜ੍ਹ ਕੇ ਹਿੱਸਾ ਲਿਆ ਜਿਸ ਵਿੱਚ ਲਗਭਗ 1500 ਲੋਕਾਂ ਨੇ ਉਤਸ਼ਾਹ ਨਾਲ ਸਵੈ-ਇੱਛਾ ਅਨੁਸਾਰ ਖੂਨਦਾਨ ਕੀਤਾ
ਇਸ ਮੌਕੇ ਨਿਰੰਕਾਰੀ ਸ
ਰਾਜਪਿਤਾ ਰਮਿਤ ਜੀ ਨੇ ਵੀ ਖੂਨਦਾਨ ਕੀਤਾ, ਜੋ ਕਿ ਮਿਸ਼ਨ ਦੇ ਸ਼ਰਧਾਲੂਆਂ ਅਤੇ ਨੌਜਵਾਨ ਸੇਵਕਾਂ ਲਈ
ਬਿਨਾਂ ਸ਼ੱਕ ਪ੍ਰੇਰਨਾ ਦਾ ਸਰੋਤ ਸੀ।
ਫਗਵਾੜਾ ਬਰਾਂਚ ਸੰਯੋਜਕ ਸ਼੍ਰੀ ਮਲਕੀਤ ਚੰਦ ਨੇ ਦੱਸਿਆ ਕਿ ਅੱਜ ਫਗਵਾੜਾ ਨਿਰੰਕਾਰੀ ਭਵਨ ਵਿਖੇ
ਖੂਨਦਾਨ ਕੈਂਪ ਲਗਾਇਆ ਗਿਆ ਜਿਸ ਵਿੱਚ ਸਿਵਲ ਹਸਪਤਾਲ ਬੰਗਾ ਅਤੇ ਬਲੱਡ ਬੈਂਕ ਦੀਆਂ ਟੀਮਾਂ ਨੇ 160 ਯੂਨਿਟ ਖੂਨ ਇਕੱਠਾ ਕੀਤਾ ਗਿਆ ਇਸ ਕੈਂਪ ਵਿੱਚ ਕੇਂਦਰੀ ਰਾਜ ਮੰਤਰੀ ਸ੍ਰੀ ਸੋਮ ਪ੍ਰਕਾਸ਼ ਕੈਂਥ, ਸਥਾਨਕ ਹਲਕਾ ਫਗਵਾੜਾ ਵਿਧਾਇਕ ਸ੍ਰ ਬਲਵਿੰਦਰ ਸਿੰਘ ਧਾਲੀਵਾਲ , ਸ੍ਰ ਜੋਗਿੰਦਰ ਸਿੰਘ ਮਾਨ ਹਲਕਾ ਇੰਚਾਰਜ ਆਮ ਆਦਮੀ ਪਾਰਟੀ ਵਿਸ਼ੇਸ਼ ਤੌਰ ਤੇ ਸ਼ਾਮਿਲ ਹੋਏ
ਦਿੱਲੀ ਵਿਖੇ ਮਾਨਵ ਏਕਤਾ ਦਿਵਸ ਮੌਕੇ ਲਗਾਏ ਗਏ ਖੂਨਦਾਨ ਕੈਂਪ ਵਿੱਚ ਸੰਗਤਾਂ ਨੂੰ ਸੰਬੋਧਨ ਕਰਦਿਆਂ ਸਤਿਗੁਰੂ ਮਾਤਾ ਜੀ ਨੇ ਕਿਹਾ ਕਿ ਸੇਵਾ ਦੀ ਭਾਵਨਾ ਹਮੇਸ਼ਾ ਨਿਰਸਵਾਰਥ ਰਹੀ ਹੈ ਜਦੋਂ ਅਜਿਹੀ ਭਾਵਨਾ ਸਾਡੇ ਮਨ ਵਿੱਚ ਵਸ ਜਾਂਦੀ ਹੈ ਤਾਂ ਸਾਡਾ ਜੀਵਨ ਸੱਚਮੁੱਚ ਮਨੁੱਖਤਾ ਦੀ ਭਲਾਈ ਨੂੰ ਸਮਰਪਿਤ ਹੋ ਜਾਂਦਾ ਹੈ। ਅਜਿਹਾ ਪਰਉਪਕਾਰੀ ਜੀਵਨ ਬਾਬਾ ਗੁਰਬਚਨ ਸਿੰਘ ਜੀ ਦੀਆਂ ਇਲਾਹੀ ਸਿੱਖਿਆਵਾਂ ਦਾ ਆਧਾਰ ਰਿਹਾ ਹੈ
ਨਿਰਸਵਾਰਥ ਸੇਵਾ ਦੀ ਸੁੰਦਰ ਭਾਵਨਾ ਦਾ ਜ਼ਿਕਰ ਕਰਦਿਆਂ ਸਤਿਗੁਰੂ ਮਾਤਾ ਜੀ ਨੇ ਦੱਸਿਆ ਕਿ ਜਦੋਂ ਸਾਡੇ ਮਨ ਵਿੱਚ ਨਿਰਸਵਾਰਥ ਸੇਵਾ ਦੀ ਭਾਵਨਾ ਪੈਦਾ ਹੁੰਦੀ ਹੈ ਤਾਂ ਇਹ ਸੰਸਾਰ ਹੋਰ ਵੀ ਸੁੰਦਰ ਲੱਗਣ ਲੱਗ ਪੈਂਦਾ ਹੈ ਕਿਉਂਕਿ ਤਦੋਂ ਹੀ ਸਾਡੀ ਸੇਵਾ ਦੀ ਭਾਵਨਾ ਸਮੁੱਚੇ ਮਨੁੱਖ ਪਰਿਵਾਰ ਲਈ ਸਾਰਥਿਕ ਅਤੇ ਅਮਲੀ ਹੋ ਜਾਂਦੀ ਹੈ ਲਈ ਵਰਦਾਨ ਬਣ ਜਾਂਦਾ ਹੈ
ਖੂਨਦਾਨ ਮਨੁੱਖੀ ਜੀਵਨ ਨੂੰ ਬਚਾਉਣ ਲਈ ਕੀਤੀ ਗਈ ਇੱਕ ਸਰਵਉੱਚ ਸੇਵਾ ਹੈ ਜਿਸ ਵਿੱਚ ਪਰਉਪਕਾਰ ਦੀ ਨਿਰਸਵਾਰਥ ਭਾਵਨਾ ਹੈ